Тамхиний тухай яринаа өнөөдөр. Өлсгөлөн байхад хоол, даарч байхад дулаан, ганцаардаж байхад хань, тэвдэж байхад түшиг, гуниж байхад тайвшрал болно шүү дээ. За яахав дээ. Тамхи татдаг дутагдалтай л хүн байгаа биз. Юу ч гэсэн өрөөсөн дугуйнууддаа тусгайлаад дахиад нэг алтан медалийн баяр хүргэчихье. Түвшинбаяр ах ч гэсэн хааяа нэг тамхи сордийн гэсэн шүү хи хи. Тоглосийн итгэчвээ. Би мэдэхгүй л дээ. Хүн гүтгэвэл алдас болох байх. Аам соори. Хаанаас тийм сайхан хүн утаа угзардаг байв гэж... Миний хувьд энэ доопингийг хэрэглээд чамгүй удаж байнаа. Хаях оролдлогийг хар мянган удаа хийсээн. Тэгээд зовлонгоо хуваалцая гэж бодлоо. Сар, 14 хоног, 1 хоног, ганц цаг гээд гарсан хугацаа өөрөө өөр. Ижил тал нь гэвэл буцаж ороод өмнөхөөсөө илүү татдаг болчихийм байна лээ. Үнэхээр л сэтгэлийн тэнхээ хэрэгтэй юм шиг байгаан. Ер нь тамхийг ямар нүгэлтэй, буянтай хүн нь зохиосон бол. Амаараа утаа сороод сайхан байдаг гэдгийг яаж мэдсэн байнаа. За тэгээд зовлон ихээ. Муухай үнэртэнэ, задгай мөнгө халаасанд тогтохгүй , болох болохгүй газар татмаар болно хэцүү хэцүү. Саяхан нэг 2 сар хэртэй татахгүй гүрийж үзсээн. Эхэндээ ч аймаар хэцүү байдгийн байна лээ. Гудмаар явахад тав алхаад л ширхэгийн тамхи тааралдаж сэтгэл сэдрээнэ. Тамхи татаад алхаж байгаа хүмүүсийг хараад атаархана. Жижигхэн хүүхэд өлсөхөөрөө хоол идэж байгаа хүнийг хараад ам нь хөдөлдөг шүү дээ бараг л тэрэн шиг юм болно. Кино үзээд суухад тамхитай хэсэг заавал гарна. Хамар амаараа утаа саагуулаад бүр уушигны шүүс ялгаруулаад хаячихна. Шөнө зүүдлэгдэнэ. Яаж зүүдлэгдэнэ гээч. Яг сайхан татах гэж байсан чинь гал олдохгүй байна, хугарчихлаа, бороо ороод норгочихлоо, сорогддоггүй ээ гээд л солиорч өгнө дөө. Яах аргагүй донтсон нь тэр юм байхдаа. Тэгээд л сайхан шалтаг хайж эхлэнэ шүү дээ. Ганцыг татлаа гээд буцаад орчих биш, өнөөдөр чинь баярын өдөр яахав дээ, тийм ч юманд сэтгэл шаналаад байна гээд л. Татдаггүй хүмүүс бол ойлгодоггүй юмаа. Энэ утааг хаяхад юун хэцүү байхав сэтгэл л мэднэ, гашуун юмны юу нь гоё байдаг байнаа энэ тэр... Би ч гэсэн орохоосоо өмнө тэгдэг байсиймаа. Сонирхож татаж байгаа юм чинь хаяна гэсэн үедээ л хаячихна, хүмүүс гарч чадахгүй байна гэж юугаа яридаг байнаа гэж боддог байлаа, яридаг байлаа. Тамхины хор хөнөөлийн тухай зөндөө л юм байдаг. Тэр бүхнийг уншаад сэтгэл өвдөнө гэж байхгүй болсоон. Сүх далайтал үхэр амараа гэж... Уг нь их хортой юм байгаан ш дээ энэ хог чинь. Үр хүүхдэд нөлөөлнө, хорт хавдар болно, орчин тойрныхоо хүмүүсийг хордуулна. Ингэхэд орчин тойрнийхоо хүмүүсийг хордуулна гэдэгтэй санал нийлдэггүй юмаа. Ямар ам хамар луу нь үлээгээд байгаа биш, гэр орондоо хажууд нь татаад байгаа биш. Үсрээд л татсаны дараа жоохон үнэртэнэ. Ухамсартай хэрэглэнэ ш дээ. Бас мөнгөлөг үедээ бохь, чихэр энэ тэрхэн аваад ам руугаа хийчихнээ. Нээрээ гарахаар бас сонин юм байлаа шд. Өглөө ажил руугаа явах болгондоо авдаг тамхи авдаг байсан эгч хүртэл гайхаж харж мараад, хэд хоногийн дараанаас нөгөө эгчээс бүр хүн юм авахгүй байгаа юм шиг санагдаад орлогогүй болчихсон ч юм шиг санагдаад өрөвдөх сэтгэл ч төрөх шиг. Хэ хэ. За за өөрийгөө өмөөрөөд, тамхиа магтаад унах шиг боллоо. Хүн амьтан уруу татаад яахав. Хор хөнөөлийнх нь талаар яръя даа. Энэ тэндээс авсийм шүү. Та бүхэн энийг сайн уншаарай. Хэдүүлээ энэ “хорноос” татгалзъя.

1. Эр эмийн ёсыг судлагч нэрт эрдэмтэн Л.Я.Якобсоны дvгнэлтийг vзвэл бэлгийн сулрал евчний 11 хувь нь тамхи их татсанаас болдог байна.
Жирэмсэн эмэгтэйчvvд тамхи татах нь бvр ч аюултай гэдгийг хэлээд яах вэ! Эхийн сvvнд никотин шингэж нярай, нялх хvvхдийн мэдрэл, биеийг их хордуулдаг.
Тамхи татдаг хархvv аятайхан юм шиг харагдвал том эндvvрэл шvv! Тамхи татах нь зориг хатуужлаар тегелдер эр хvний шинж огт биш, харин сул дорой хvний тэмдэг. Бас биеэ тоосон сагсуу хvний нэг илрэл гэж болно. Тамхины гоё хайрцаг, асаагуур гаргаж гайхуулах нь еерийгее догь, <<менге ихтэй>> хvн болгож харуулах гэсэн хуурамч санаа. /Жинхэнэ тамхичин хэзээ ч ийм зүйл боддоггүй л юм уг нь. Дүр эсгэгчид л.../ Тамхины утаагаар еерийгее тедийгvй, орчин тойрны хvмvvсийг хордуулж байдаг.
Тамхи айл ерхийн енге vзэмжийг хvртэл гутаадаг ба эд материалын том гарз хохирол учруулдаг билээ.

2. Богино хугацаанд vvсэх нелеелел
Үснээс муухай vнэр vнэртэнэ.
Тархины хvчилтерегчийн хангамж багасна.
Амнаас муухай vнэр vнэртэж, шvд шарлана.
Уушигны хvчилтерегчийн хангамж муудсанаар бие суларч, амьсгал бачуурна.
Зvрхний ажиллагаа хурдасч, даралт ихэснэ.
Хуруу, гар шарлана.

3. Удаан хугацаанд vзvvлэх нелеелел

4. Тамхинд 4000 терлийн химийн нэгдэл байдгийн дотор хvнийг маш хvчтэй донтуулдаг никотин болон хорт хавдар vvсгэдэг 43 терлийн хорт бодис агуулагддаг.

Татаж буй тамхины утааны 20 хувь нь эзнийхээ уушгинд, vлдсэн 80 хувь нь орчны агаарт дэгдэж еерийгее болон эргэн тойрны хvн ба амьтныг хордуулдаг.
Тамхины утаатай ереенд 1 цагийн турш байгаа хvн 15 ш тамхи татсантай тэнцэхvйц хэмжээний хавдар vvсгэгч бодисуудаар амьсгалдаг.

5. Жилд ойролцоогоор 130 сая хvvхэд терж байгаагийн 50 сая нь идэвхигvй тамхичид болж байна. Нярайн гэнэт нас баралт тамхичин эхээс терсен хvvхдэд 5 дахин их тохиолддог.
Эцэг эхийн тамхины утаанд ертсен хvvхдvvдийн 50-100 хувь нь ханиад, чихний халдвар, гуурсан хоолойн vрэвсэл, багтраа, хатгаа евчинд илvv ертдег.
Эцэг эх нь тамхи татдаг гэр бvлээс гаралтай хевгvvдийн 67 хувь нь, охидын 78 хувь нь тамхичин болдог.

6. Та vvнийг мэдэх vv
-Тамхи болгонд хорт хавдар vvсгэгч олон янзын бодис агуулагддаг.
-Єдєр болгон нэг хайрцаг тамхи татдаг хvний уушгинд нэг жилийн хугацаанд 1 л бохь хуримтлагдана.
-Нэг тамхи татсан хvний нас 8 минутаар богиносдог.
-Тамхи татсанаар таны бие махбодь ч, хvний сэтгэл санаа ч тvvний хамааралд орно. Тамхиа хаяхгvй бол биеийн тамирын дасгал тамхины сєрєг нєлєєг арилгаж чадахгvй.
-Гэр ахуйн аймшигт гал тvймэр гарахын шалтгаан нь тамхинаас болдог.
-30 сая гаруй тамхичид тамхинаас гарснаа мэдээлжээ.

7. Тамхинаас гарах аргыг 2 ангилж байна:
- Шууд хаях арга
Шууд хаясан тохиолдолд хvний биед аливаа серег нелее байдаггvй.
- Аажим хаях арга
Зуршлыг бага багаар еерчлех (еерийн хяналт, еерийн удирдлага, нийгмийн дэмжлэг)
Никотин орлуулах эмчилгээ (никотинтой бохь, арьсан дээр наадаг никотинтай наалт)
Бусад эмийн аргууд (ургамлын, амьтны гаралтай)
Гипноз эмчилгээ
Зvv теенvvр
Хувь хvнд хандсан арга барил

Тамхинаас гарч байгаа хvн 6З /зургаан зээ/-ийг зарчмыг баримтлаарай.
1. Зарлах: Би тамхи татахгvй байхаар шийдлээ гэж еерее еертее давтан хэл.
2. Зайлсхийх: 10 минут хvлээ. Ихэнх хорхой, хvсэл 3-5 минут л vргэлжилнэ.
3. Зев амьсгалах: Хоёр юмуу гурван удаа гvн амьсгал авахад л та тайвширна.
4. Зевхен шингэн юм, ус уух: Буцалгасан усыг маш аажмаар шимж уу.
5. Завгvй байх: Явган яв, хэн нэгэнтэй ярь, тайвшир, бохь зажил, еер дуртай зvйлээ хий.
6. Залбир, сvсэглэх: Дотроо сvсэглэ, залбир, дотоод сэтгэлээсээ ямар нэг тусламж хай.

Эх сурвалж www.mclibrary.edu.mn

Уухай... Монголчууд минь мандан бадраг. Монгол түмний хүү дэлхий спортын их наадам болох олимпоос алтан медаль анх удаагаа авлаа. Дэлхийн дээвэрт төрийн дуулал минь эгшиглэлээ. Монгол цустай, монголд элэгтэй хүн бүрийн самсаа шархирч баярын нулимс цийлэгнэсэн сайхан өдөр боллоо. Үнэхээр сайхан. Одоо ч миний цээжинд нэг юм оволзоод гардаггүй. Монгол хүн болж төрснөөрөө бахархах сэтгэл цалгиж байна. Жудо бөхийн -100 кг-ийн тамирчин олон улсын мастер Найдангийн Түвшинбаяр, буудлагын спортын мастер Гүндэгмаадаа бүх ард түмнийхээ өмнөөс халуун баяр хүргэе. Монгол түмэн цааш цаашдаа улам илүү хийморьлог хүчтэй, эвтэй найртай байх болтугай. Одоо боксчид болон чөлөөт бөхчүүд, бүх тамирчдадаа амжилт хүсч бүхий л сайн сайхан бүхнийг хүсэн ерөөе. Уухай...

"Эмээ өвөө бясаа гурав
Сүүтэй будаа чанаж л гэнэ.
Ширдгэн дээрээ асгаж л гэнэ
Ширүүхэн зодоон болж л гэнэ" гээд бид багадаа дуулдаг байсансан. Нэг тийм хошин маркийн дуу. Өнөөгийн улс төрийн байдлаа харахаар энэ дуу л өөрийн эрхгүй аманд аялагдаад байхийн хэ хэ. Чингисийн Монголын өнөөгийн чингэсхэнүүд болох МАХН, АН болон бусад нам хөдөлгөөний нэр дэвшигчид саяын сонгуульд бүгд л булхай луйвар хийсэн. Ард түмнээ басамжилсан. Саналыг нь худалдаж авах гэж бүгдээрээ л оролдсон. Их хуралд л гарч байвал юу ч амласан хамаагүй болсон. Бид бүгдээрээ мэднэ. Зарим нь бүр Чингисийн үеийн газар нутгийг буцаан нэгтгэх юм ярина лээ. Саяын сонгуулиар хаалга нүдэж байгаад тарааж өгсөн сая сая төгрөгний эрхийн бичгүүдээс өөрийнхөө нэр дээр байгааг мөнгөн дүнд шилжүүлж үзлээ. Би лав байрны мөнгө элбэг хийчихэж. Даанч энэ хэдэн цаас миний өмч хөрөнгө болохоосоо илүүтэйгээр сонгуулийн синдромыг илэрхийлэх нь ойлгомжтой. Хүүхэд бүртээ хоёр хоёр мянган төгрөг сар бүр өгөх гэж алаан болсон юм чинь сая, сая таван зууг өгнө гэдэг ёстой үлгэр. Хэн нэгэн эрх баригч хэзээ нэгэн цагт энэ сонгуулиар амласан амлалтаа биелүүлнэ гэвэл мань мэтийн нас байтугай бурхан багш гуайн нас ч хүрэхгүй биз.
Эрх баригчид, эрх мэдлийн төлөө үзэл бодлоо худалдсан намууд энэ холион бантантай будаагаа 07 сарын нэгэнд 01-нд ард түмэн дээрээ асгачихаад одоо болтол хоорондоо уралцаад зодолдоод байхийн. Нэгнийгээ доош нь хийж, их хуралд сууж байвал эрлэгийн элчтэй дэр нэгтгэхээс буцахгүй нээ. Зарим нь одоо л нэг их ард түмэндээ улс орондоо санаа зовдог хүн болчихож гэнээ. Сонгууль булхайтай болсныг, ард түмний сонголт шороотой хутгалдсаныг мэдчихсэн гэнээ. Гэнэт цоорсийм байх даа. Хэвлэлийн бага хурал хийгээд нулимс нь цийлэгнээд сууж байхийн. Матрын нулимс гаргаад сууж байхаасаа ичдэггүй л юм байх даа. Өрөөсөн дугуйнуудаа шорон оронд аваачиж хоричихоод бараг л удахгүй бөөрийг нь гаргах юм ярьцгаах юм. Тэр хүмүүсийг үнэхээр л буруутгаад байгаа юм бол өөрсдөө ч гэсэн тэр ганц худагтаа очиж цуг сууцгаа. Ижилхэн л сонгуулийг завхруулчихаад. Одоо нэг хэсэг нь нээг их хүн өрөвдөж, хайрласан хүний эрхийн төлөө тууштай тэмцсэн хүмүүс. Нөгөө хэсэг нь их л ард түмнийхээ төлөө зүтгэж, улс оронд үүссэн хямрал, үймээнийг зохицуулдаг хүмүүс. Үймээн гаргаад байгаа анархистуудаас ард иргэдээ хамгаалах юм гэнээ. Ичээсэй, болоосой, болиосой, ажлаа хийгээсэй. Гуйж гувшиж их хуралд сонгогдчихоод ажлаа ч хийсэн юм байхгүй, зодолдоод уралцаад суучихийн. Таминь ээ дараагийн сонгууль боллоо ш дээ. Асгасан будаанаас нь болж ард түмний үзэл бодол хоёр хуваагдчихаад байна. Монголчууд эвгүй, хүчгүй болчихоод байна. Эрх баригчдын хувьд морин хуур, намын байрны гарзтай, ард түмний хувьд таван иргэнийээ амь насны хохиролтой тэр явдлыг зөв буруу гэж маргацгаагаад яахав. Өөрөө унасан хүүхэд уйлдаггүй. Гэхдээ л Монгол улс 5 иргэнийхээ амь насыг алдчихаад байхад яагаад эмгэнэл илэрхийлсэнгүй вэ? Арай ч дээ нохой буудсаны дайтай ч бодохгүй байгаа бололтой. Өглөө болгон хэвлэлээр, орой болгон ТВ ээр хэрүүл сонссоор байгаад залхаж байна. Сүүлдээ мэдээ үзэхээс ч дургүй хүрсээр байгаад нөгөө үзэн ядаад байдаг Солонгосын савангийн дуурьтаа орох нээ би.
Одоо болсоон хүмүүсээ. Хэрүүл уруулаа зогсооцгооё. Нэг гараараа нөгөө гараа цохиж өөрийгөө шийтгэлтэй биш дээ. Залуус минь эрх баригчдын хувийн хонзогнолыг дагаж хэд хуваагдаад яахав. Бид чинь тоглоом биш. Монгол хүн, монголын жинхэнэ эзэд. /Улс төржүүлж битгий ойлгоорой./

Шинэ өглөөний мэнд залуусаа. Өнөөдрөөс блогтоо шинэ ангилал нэмлээ. Миний хувьд фото зураг сонирхдог, бас цөөхөн хэмжээний өөрийн авсан зургийн сантай билээ. Үнэхээр тэрхэн агшныг мэдэрч авч чадсан зургууд үнэхээр гайхалтай . Өөрийн гараар авсан та бүхний сонирхож магадгүй зарим нэг патиараа энэхүү булангаар маргаашнаас эхэлж хүргэе гэж бодлоо. Харин өнөөдрийн хувьд хүний бүтээл хийлээ шүү. Гэхдээ хэн нэгний сайтаас хулгайлсангүй Google ахынхаас авсан цөөхөн зураг байгаа. Энэ зургуудыг харахаар энгийн мэт боловч өөрийн эрхгүй бие арзайж байхийн. Тэгэхээр сайн зургууд болтой дог.









Маргаашнаас өөр зургуудаар уулзая даа.

Зиак шинэ 7 хоног эхэллээ. Урам зоригтой сайхан эхэлж байна шүү. Өчигдөр орой Туул орж усанд сэллээ. Ямар ч сайхан байваа. Нэг усанд сэлээд, нэг гарч ирж галын хажууд хорхог идээд орчноосоо тасарваа хэ хэ. Ядаж л 1 сараар залуужив бололтой. Хотын амьдрал нэг л сайн зохихгүй байнаа. Ажил төрөл бүх юмыг хаяад хөдөө явчихмаар санагдаад байхийн. Уг нь хотод дасвал дасахаар л олон жил амьдарсан юмсан. Хөдөөний амьдралын цэвэр тансаг байдлыг мэдрээд амсаад үзчихсэн болохоор тийшээгээ тэмүүлээд байдаг болтой дог. Нэг л тайван, нэг л сайхан, ажил төрөл ч амархан бүтээд байгаа мэт санагддагсан. Уг нь би амьдралыг их өөдрөгөөр харах дуртай хүн л дээ. Улсынхаа нийслэлд амьдрах сайхаан гээд л. Гэхдээ л өнгөрсөн бямба гаригт бүх зүйлд нь уур хүрч л явлаа. Өглөө сэрээд нийтийн тээвэрт суухад кондуктар яаг юунд уурлаад байгаан бүү мэд баахан загнана. Дээрээс нь халаасаа нэгжүүлээд, анзаараггүйхэн үедээ бол утас түрийвч бүгд жогорхой болно дөө хөөрхий. Буугаад алхана нэг л их ууртай, бухимдуу хүмүүсийн дунд. Хажуугаар нь түгжирсэн машинуудын сигнал, жолооч нарын хараал чих өрөмдөнө. Такси барилаа гэхэд 5 алхам газар яваад л 500 төгрөг. Шатахууны үнэ нэмэгдсэн, амьдралын өртөг өндөрссөн аргагүй дээ ч гэж бодогдоно. Ажлын 8 цаг бол учиртай. Дуртай ажилаа хийж байгаа болохоор дороо л өнгөрнө. Гараад дахиад л өглөөний үйл явдал давтагдана. Гэртээ очиж хоол хийж идэх хэрэгтэй. Ямар хоол хийх билээ. Мах хэрэгтэй, гурил авна, ногоо авна. Мах 1 кило нь 5000 төг болчихжээ. Гурил үнэ нь өсчихжээ. Ногоо бол нэр цол нь өөр болохоос хужаа бололтой. Их олон янз байхийм. Монгол хөрсөнд тарьсан хужаа үрийн төмс, монгол хөрсөнд тарьсан монгол үрийн төмс, хужаа хөрсөнд тарьсан хужаа үрийн төмс, хужаа хөрсөнд тарьсан монгол төмс өөр бас юу юуны эрлийзийг хаана тарьсан ч гэнэ вэ. За яахав аргагүйн эрхээр амьдралын шаардлагаар хоолныхоо материалыг аваад гэртээ орно. Гэртээ гэчихжээ. Хөлсний байрандаа. Өөрийн гэсэн орон сууцтай болох ч чамгүй хэцүү ажил бололтой дог. м² нь 800$ аа яа яа. 1 өрөө байр 30-40 сая. 2 өрөө 50-70 сая. 3 өрөө 70-с дээш сая. За өрхийн сарын орлого 700 мянга. Ийм хэмжээний өрхийн орлогтой байхад лизингээр байр олдохгүй ээ. Олдлоо гэхэд сарын 600 мянгыг байрны төлбөртөө өгнө. Цаана нь юугаар амьдрах вэ. За аргаллаа. Өөр ямар нэг эх үүсвэр оллоо. Хэзээ байр маань минийх болох вэ. 40 саяын 1 өрөө лүү зүтгэсэн гэж үзье. Хүүтэйгээ 50 сая элбэгхэн болно. 50,000,000/600,000=84 сар гэхээр 84/12=7 жил. Долоон жил сар болгон 600,000 ийг хийж байж 1 өрөө байртай болох нээ. За за заавал 4 хана авах гэж зүтгээд яахав сайхан хашаа аваад байшин бариад авъя. Зүгээр л нэг цөл болсон хашаа, балгас болсон амбаар авахад дор хаяж 10 сая гэнээ. Ккккк... Болдогсон бол ажилынхаа газрыг чирээд хөдөө явчих юмсан. Зүлгэн дээр гэрээ бариад зүгээр л нэг амьдрахгүй юу. Даанч хөдөө үеийнхнээсээ, цаг үеээсээ хоцроно. Үр хүүхэд маань хөдөө өсөөд бусад хүүхдийн адил боловсрол эзэмшиж чадах билүү. Ганц өөрөө л амьдраад дуусчихдаг, амьдралын утга учир үр удам биш байсан бол ч яахав. Сумын төвд помешикүүд шиг амьдрахад харамсахгүй гэхсэн. Аргагүйн эрхэнд байр түрээслэнэ дээ. Би ч гэсэн байрын хугацаа дуусаад дахиад хөлслөх байр хэд хоног хайлаа. Хэд хоног ч гэж дээ бараг сар. 1 өрөө байр сарын 250-350 мянга. 2 өрөө байр 300-500 мянга. 3 өрөө бол ёстой мэдэхгүй ээ талийж өгч. Даварсан байр хөлслөгчид төлбөрөө заавал бүтэн жилээр нь авахийн гэнээ. Хамгийн доод ханш 250,000 аар бодоход бүтнээр нь өгвөл 3 сая төгрөг. Энэ чинь чамгүй мөнгө. Бүтнээр нь өгөх гэхээр мөнгө хүрдэггүй ээ. 5-6 сараар төлбөр авах байр ёстой ховор юм. Сар хайсны эцэст 16-р хороололд арай гэж 1 өрөө байр оллоо. Засвар хийх шаардлагатай. Бөөн нерв.
1, 2 жилдээ байр хөлслөөд цаашдаа болно доо, болох байлгүй гэсэн залуу хүний өөдрөг сэтгэлээр л явж байна даа. Өсгөөд өгсөн ээж аавыг дахиж шаналгаж байр нэхэж суултай биш. Харин ч ачийг нь хариулах цаг ирчихээд байхад. Ингээд бодохоор байр гэдэг зарим хүний хувьд амьдралын эцсийн зорилго, мөрөөдөл нь болдог гэдэг үнэн юмаа. Насаараа байр, унах унаа хоёрын төлөө ясаа цайтал зүтгээд дөнгөж авангуутаа чад хийчих юм даа. Үнэхээр харамсалтай юмаа. Эцсийн эцэст байр, унаа бол зорилго биш харин зорилгодоо хүрэхэд ашиглах амьдралын хэрэгцээ л шүү дээ. Талх мах шиг л.
Энэ бүхнийг бодохоор цалингаараа амьдрах шиг худлаа юм алгаа. Хэдийг нь хурааж байр авахав. Хэдээр нь өдөр тутмын хэрэгцээгээ хангахав дээ. Өөр л арга замаар, толгойгоо бүүр илүү л ажиллуулж байж байртай болох хэрэгтэй бололтой. Нэгэнт орох оронтой болчихвол бусдыг нь зохицуулж болноо.
За даа тэгээд ТВ радиогоор гарч байгаа хар саарал мэдээллийг энд яриад ч яахав.
Улаанбаатарын амьдралыг бараан талаас нь харвал ийм л байна. Гэхдээ залуусаа ирээдүй өнөөдрөөс эхэлнэ. Өөдрөг байцгаана шүү.

Нэг найзын минь хундаганы үг. Хи хи өвөрмөц хүмүүс бас байна шүү дээ. Ер нь найзууд гэдэг сайхаан. Надад нэг тэрэгний дугуйнууд найзалдаг гэдэг үг шал худлаа юм шиг санагддаг. Манай найзууд лав төсгүй. Өө мартаж орхиж нэг л зүйл нь адил. Шаардлагатай үед хэнийхээ ч төлөө юу ч хийхэд бэлэн. Чадах бүхнээрээ л туслана даа. Харин төсгүйн хувьд гэвэд их юм бий. Нэг нь бүрэг ичимхийгээсээ хорин хэдэн жил амьдрахдаа хүнтэй унтаж ч үзээгүй байхад, харин нөгөөдөх нь Донжуан байх нь бий. Бас нэг нь жоохон амиа нөхөр байхад, нөгөөдөх нь хамаг юмаа бусдад тарааж явнаа. Ингээд бодохоор найзууд маань бүгд л өөр өөрийн сул, давуу талтай. Бие биенийхээ дутуугаа нөхнө. Гэр бүлтэй, ажил төрөлтэй, найз бүсгүйтэй болцгоохоороо
уулзах нь ховордох юмаа. Бүгд л амьдралд хөл гишгэсэн нь энэ юм байлгүй. Уулзахгүй удахаараа найзуудаа санана гэж жигтэйхэн. Харин удаж удаж нэг уулзахаараа тэнгэр газрыг харин ч нэг нийлүүлнэ шүү дээ. Эрчүүд ч гэлээ ярих юм мундахгүй ээ. Сонин хачин ярина, пиво ууна, хална, дурсамж руугаа орцгооно. Гоё доо гоё. Анх шартахад нь бантан хийж өгч байсан, анхны дурлалдаа хаягдахад нь хамт уйлж суусан, анхны захиаг нь хүргэж өгч байсан гээд л... Нэгэнт блог хөтөлж байгаа болохоор зөндөө олон блог найзтай болмоор байна. 100 сая төгрөгтэй байснаас 100 блог найзтай болох юмсан гэж хи хи. Саяын хэд хоног "айл" нилээн хэслээ. Зөндөө чадварлаг блогчид байнаа. Баннер солилцож найз блогууд болох хүмүүс байвал над руу мсжр дээрэй. Ирээдүй блог хэзээ ч нээлттэй шүү.

Хүн ардаа аан гээд уун гэдээ. Үнэхээр энгийн хэрнээ тасархай шийдэлтэй рекламууд байх юмаа. Би уг нь хэтдээ нэг реклам суртачилгааны агент компанитай болох мөрөөдөлтэй явдаг хүн л дээ. Тийм болоод ч тэр үү заримдаа сайн хийсэн реклам харахаар Монголдоо хийчихмээр санагдаад байдгийм. Та бүхэнтэйгээ зарим нэг санаагаа хуваалцаж байхаар шийдлээ. Ганцаараа бодоод бодоод заримдаа олигтой санаа орж ирдэгүй л дээ. Бүгдээрээ хэлэлцвэл гоё гоё санаа төрөх байхаа.

Санаа 1. Олон нийтийн тээврийн хэрэгслийг рекламанд ашиглах. Гэхдээ өвөрмөц байдлаар хүний анхаарлыг татахуйцаар.
Та бүхэн доорхи зургуудыг хар даа. Гайхалтай биш гэж үү. Графит зурдаг, зураг зурах сонирхолтой залуус маань иймэрхүү зүйлийг төвөггүй хийнэ дээ. Хэн бүхний нүд унахаар байгаа биз.

Цоо шинэ өглөөний мэнд хүргэе залуусдаа. Миний бие блог нээгээд 31 дэхээ хонож байна. Хэ хэ тэгэхээр нэг сарын минь ой л гэсэн үг. Өмнө blogspot дээр жилийн хугацаанд блог хөтөлж байсан боловч Монгол блогуудтайгаа илүү ойр блог болмоор санагдаад энэхүү блогыг нээсэн. Үүндээ ч сэтгэл хангалуун байгаа. Гайхалтай блоггерууд зөндөө байнаа. Тэдний араас л суралцах гэж мачийж явна даа. Блогспот дээр байхад блогт маань нэг их хүн ханддаггүй л байлаа. Харин блог.мн д бичлэг оруулж эхэлсэн үндсэндээ 10 гаруйхан хоногт 250 гаруй хүн блогийг минь орж сонирхсонд үнэхээр сэтгэл хангалуун байнаа. Үндэсний бренд гэдэг шал өөр байна шүү. Шинэхэн блог болохоор та бүхнийхээ сэтгэгдлээр ангаж цангаж л явна. Зөвлөмж санал хүсэлтээ үлдээж байвал үнэхээр баярланаа. Хамтран ажиллах, найз блогуудтай болох бол миний чин хүслэн билээ. Миний хувьд блогтоо өөрийн толгойд орж ирсэн шинэ санаа, цаг үеийн тухай бодрол, өөрийн хааяа бичдэг шүлгээ, бусдынхаа бичсэн гайхалтай зүйлсийг та бүхэнтэйгээ хуваалцах болноо. Дээрээс нь олон ангиллалууд нэмэх санаа ч байна. Share.gogo.mn буланд маань танд хэрэгтэй зүйлс байж магадгүй сөхөөд үзээрэй. Заримдаа хэрэгтэй хэрэггүй зүйлс ч сараачиж магадгүй миний гар. Хамгийн гол нь Монгол залуустайгаа үзэл бодлоо хуваалцах блогтой болж байгаадаа л сэтгэл хангалуунаас хангалуун байнаа. Та бүхэндээ амжилт хүсье.